خواطر 1

                                صاحبي
 

صاحبي اللي عملته لنفسي معدش يغني
يغني ازاي بس وأنا لسه بعزّي
فيا وليا والميت لسه ممتش
ما هو الحال اللي عليه ده مينفعش
الحياة تبقى ازاي في جسم متغبش عنه لحظة ميتَنَحش
جفنه ييجي ينام ميرتحش
عقله رافض الفكرة مبيهمدش
جسمه بنكشته من جوه لكنه بشوش
قلبه اللي لسه برضه عليه منفوش
استهواه حاله ياريته ما صارحهوش
بحلمه اللي لسه مولدهوش
ولا طموحه اللي لسه مكونهوش
صراخه اللي سامعه دايماً ف الأحلام
لسه مبطلش يعَيش نفسه ف الأوهام
يعزف على أوتار حياته بالأقلام
ويلحنها بكلماته ويجملها بالألوان
لكنه محتاج فعلا لحظة انه ينام

              ********************************************************************************************
                                   حشيش

- انتي عارفه ليه الحشيش حرام؟!!
- هيكون ليه يعني يا فيلسوف انت!!
- عشان الحشيش بيخلي البني آدم تحت نزوة هي اللي بتتحكم فيه، يعني بمعنى أصح بتخليه عبد ليها، والانسان ربنا خلقه عشان يكون خليفة مش عبد لحاجات هو اللي المفروض صانعها بايده، شبه الناس اللي كانت بتعبد آلهة من عجوة
- بس على اعتبر كلامك ده في حاجات كتيير ممكن تتشارك مع الحشيش ف الصفة دي!!!
- أه بس في حاجات ممكن الانسان يتحكم في نفسه فيها، بس لو الانسان مقدرش على التحكم ف نفسه هتكون حياته كلها أشبه                                                                                            بقعدة حشيش :)      

أوهام

السير في الممر السمردي الضبابي المائل للظلام. الجهل التام عن الجهة أو العنوان أو الكيفية أو السبب. الحرب المتقدة بين أفراد خصوصيتك واشتعالها أكثر في ممرك الضبابي.  الصراخ الصامت والحزن المفرح والسعادة الغامرة المقترنة بالبكاء والروح المنكمشة، والعقلانية المجنونة والقلب الذي يطلق لنفسه العنان في كل مرة بعد كل سَمَطَ إلا أنه يستطيع الفرار واللجوء إلى الممر وأنت لا تستطيع أن تفعل شئ سوى أن تقبل بدور المشاهد والمحكوم عليه. كل سَمَر تستمتع به، كل ضحكة تطلقها، كل كلمة تبوح بها ما هي إلا ملفات في أرشيف ممرك لكنك أضعت العنوان.  كل ذكرى تحياها، كل حديث تسمعه وكل فكرة تكشف عنها الستار ماهي إلا لوحات جميلة على جدران متحف ممرك ولكنك لا ترى...

وأنَّا لك الرؤية في وسط هذا الضباب الذي تصنعه أنت حول نفسك!!!

أتريد أن تراها، أتريد أن تزور متحفك وينكشف عنه الضباب!!

فقط أطلق سراح روحك وأطلق العنان لقلبك ولمشاعرك ودع نفسك له!!

استرخ ....

لكن انتظر!!! 

أنت باسترخائك هذا ستصبح لقمة سائغة له، ستقع حتما في شركه، لن تستطيع أبداً أن تروّد هذا الوحش أبداً 

لا تقل لي أنك سُحرت بما يفعله بك أو أنك صدقت ما يُزينه لك لا تقل لي أنك صدقت كل ما يحاول اقتاعك به من أحاديث وأقاويل!!

نعم أنا أعلم أنه المتحكم في كل شئ لكني احذرك منه وإن أردت أن تستمر فلك مطلق الحرية وأنت من ستتحمل النتائج في النهاية 

في هذه الحالة....

إن كنت قد أتخذت قرارك فاسترخ وأرح جفنيك المثقلين بالهموم من العالم المادي وقل وداعا للمادة

ومرحباً بعالم الأوهام