ايه تعريف الجنون !!
ان الروابط بين الأشياء تفقد تماسكها بشكل متسلسل .. انك تبذل قصارى جهدك لعمل نظرية من لا شئ..انك تعيد النَهج كل مرة في انتظار نتائج مختلفة.
يقال أن المجنون هو الشخص اللي بيفشل في تكوين علاقات اجتماعية مع غيره من الناس، هو مش بيحط اعتبارات أبداً، وبيجرد الناس من كل اللي بيملكوه من تملق وسياسة، كلامه بيكون قاسي جداً لكنه حقيقي بدرجة مدهشة.
في يوم رحت درس العربي وكنا بندرس حكاية شاعر، وهب حياته في سبيل انه يلاقي شعر موصلهوش حد، كلمات مختلفة، ألفاظ قوية وجديدة، ونغمة متسمعتش قبل كده، يقدر يعبر عن الحياة بشكل مختلف وعميق، وفضل يجري ورا حلمه لدرجة ان حلمه خلاه ميديش فرصة لقلبه انه يحب بنت أو يقع في غرامها، وفي بيت من أبياته كان بيتكلم عن نفسه وبيقول "لم يعشق الغيد لكنه ... هام ببكر من بنات الخيال"، الأستاذ لما شرح البيت ده بالذات، كل اللي في القاعة فضلوا يضحكوا، لكني اتأثرت جداً بالفكرة ومكنتش عاوز ان الأبيات تنتهي بيأسه وقراره التوقف عن الحياة الأدبية بشكل كامل لانه آمن ان حلمه مستحيل، اسم الشاعر ده هو (عبد الرحمن شكري).
حاولت أعرف أكتر عن قصة حياته، ومقدرتش أجمع عنه غير انه عاش طول حياته وحيد وكان مجتهد جداً تجاه حلمه زي ما كان بيوصف نفسه في الأبيات، وان العقاد قال عنه "الرائد الضي سبق زمانه في عدة حسنات مأثورات" ولما أصابه الياس وقرر انه يعتزل الحياة الأدبية، قام حرق معظم أعماله إن لم يكن كلها، ومات واتدفن في اسكندرية في صمت وتجاهل سخيف.
النهارده وطول الفترة اللي فاتت كنت بخمر فكرة اني أقف عن نشر أي حاجة جديدة وأكتفي بسرد مذكرات وخواطر فقط، وحتى اشعار آخر، وده بعد تفكير عميق جداً في كلام (محمود صابر). "متنشرش حاجة فقط لمجرد النشر"، كنت بفكر في ان النشر ممكن يتحط في اعتبار انه نتاج لهوس الظهور في عقلنا الباطن زيه زي أي فعل تجاه أي شئ، أنا مش مؤمن باعتقاد اننا المفروض نتعامل على أساس ان الانسان ناقص، لكن المفروض ندور عن المثالية، ونفضل متمسكين بالفكرة لحد ما نموت، أكيد احنا مش كاملين، لكن ساعتها حنقدر نوصل لأقرب نقطة للمثالية، لو اقتنعنا تمام القناعة بفكرة ان الانسان مش كامل وبدأنا نتعامل على الأساس ده، فاحنا منستحقش أبداً ان ربنا يحاسبنا على أي أفعال.
مرة سالت شخص أشعاره عزيزة جداً علياً: ايه اللي خلاه يبدأ في الشعر بجدية!!، أخد وقت كده وهو بيشرب سيجارته ببطئ وبينفخ دخانها، وبصلي وقاللي عارف يا حاتم أنا بدأت أقول شعر عشان لقيت انه أكتر حاجة بتعجب البنات، استغربت جداً ساعتها، ممكن مش عشان الاجابة صريحة وغير مألوفة بشكل غير متوقع، على قد ما انها مش واضحة بالنسبالي، عشان هو حالياً بيكتب عن حب الوطن بشكل أكثر عمقاً، أفكاره الحالية واهتماماته ممنعتهوش انه يصارح الناس بماضيه وبدايته اللي كانت بشكل أو بآخر في وصوله للمرحلة دي!!، يومها كان أكتر جملة بترن في ودني هي "خليك صريح مع نفسك واتسامح مع ماضيها"
ان الروابط بين الأشياء تفقد تماسكها بشكل متسلسل .. انك تبذل قصارى جهدك لعمل نظرية من لا شئ..انك تعيد النَهج كل مرة في انتظار نتائج مختلفة.
يقال أن المجنون هو الشخص اللي بيفشل في تكوين علاقات اجتماعية مع غيره من الناس، هو مش بيحط اعتبارات أبداً، وبيجرد الناس من كل اللي بيملكوه من تملق وسياسة، كلامه بيكون قاسي جداً لكنه حقيقي بدرجة مدهشة.
في يوم رحت درس العربي وكنا بندرس حكاية شاعر، وهب حياته في سبيل انه يلاقي شعر موصلهوش حد، كلمات مختلفة، ألفاظ قوية وجديدة، ونغمة متسمعتش قبل كده، يقدر يعبر عن الحياة بشكل مختلف وعميق، وفضل يجري ورا حلمه لدرجة ان حلمه خلاه ميديش فرصة لقلبه انه يحب بنت أو يقع في غرامها، وفي بيت من أبياته كان بيتكلم عن نفسه وبيقول "لم يعشق الغيد لكنه ... هام ببكر من بنات الخيال"، الأستاذ لما شرح البيت ده بالذات، كل اللي في القاعة فضلوا يضحكوا، لكني اتأثرت جداً بالفكرة ومكنتش عاوز ان الأبيات تنتهي بيأسه وقراره التوقف عن الحياة الأدبية بشكل كامل لانه آمن ان حلمه مستحيل، اسم الشاعر ده هو (عبد الرحمن شكري).
حاولت أعرف أكتر عن قصة حياته، ومقدرتش أجمع عنه غير انه عاش طول حياته وحيد وكان مجتهد جداً تجاه حلمه زي ما كان بيوصف نفسه في الأبيات، وان العقاد قال عنه "الرائد الضي سبق زمانه في عدة حسنات مأثورات" ولما أصابه الياس وقرر انه يعتزل الحياة الأدبية، قام حرق معظم أعماله إن لم يكن كلها، ومات واتدفن في اسكندرية في صمت وتجاهل سخيف.
النهارده وطول الفترة اللي فاتت كنت بخمر فكرة اني أقف عن نشر أي حاجة جديدة وأكتفي بسرد مذكرات وخواطر فقط، وحتى اشعار آخر، وده بعد تفكير عميق جداً في كلام (محمود صابر). "متنشرش حاجة فقط لمجرد النشر"، كنت بفكر في ان النشر ممكن يتحط في اعتبار انه نتاج لهوس الظهور في عقلنا الباطن زيه زي أي فعل تجاه أي شئ، أنا مش مؤمن باعتقاد اننا المفروض نتعامل على أساس ان الانسان ناقص، لكن المفروض ندور عن المثالية، ونفضل متمسكين بالفكرة لحد ما نموت، أكيد احنا مش كاملين، لكن ساعتها حنقدر نوصل لأقرب نقطة للمثالية، لو اقتنعنا تمام القناعة بفكرة ان الانسان مش كامل وبدأنا نتعامل على الأساس ده، فاحنا منستحقش أبداً ان ربنا يحاسبنا على أي أفعال.
مرة سالت شخص أشعاره عزيزة جداً علياً: ايه اللي خلاه يبدأ في الشعر بجدية!!، أخد وقت كده وهو بيشرب سيجارته ببطئ وبينفخ دخانها، وبصلي وقاللي عارف يا حاتم أنا بدأت أقول شعر عشان لقيت انه أكتر حاجة بتعجب البنات، استغربت جداً ساعتها، ممكن مش عشان الاجابة صريحة وغير مألوفة بشكل غير متوقع، على قد ما انها مش واضحة بالنسبالي، عشان هو حالياً بيكتب عن حب الوطن بشكل أكثر عمقاً، أفكاره الحالية واهتماماته ممنعتهوش انه يصارح الناس بماضيه وبدايته اللي كانت بشكل أو بآخر في وصوله للمرحلة دي!!، يومها كان أكتر جملة بترن في ودني هي "خليك صريح مع نفسك واتسامح مع ماضيها"
حلو الكلام :)
ردحذف